Katër automjete janë përfshirë në një aksident trafiku të mërkurën në Leposaviq, ku dy persona kanë mbetur të lënduar.
Sipas njoftimit të Policisë së Kosovës, aksidenti është shkaktuar nga një shtetas i Serbisë, i cili po ngiste një kamion dhe ka goditur automjetet tjera që po lëviznin në të njëjtin kah.
Nga përplasja, lëndime kanë pësuar drejtuesi dhe pasagjeri kosovarë të njërës prej veturave të përfshira në aksident, të cilët janë dërguar për trajtim mjekësor.
I dyshuari është intervistuar nga policia dhe më pas është liruar në procedurë të rregullt, ndërsa rasti po hetohet më tej.
“Ka ndodhur aksident trafiku në të cilin janë përfshirë katër automjete. I dyshuari shtetas i Serbisë, derisa ishte duke drejtuar automjetin-kamion, ka shkaktuar aksidentin duke goditur automjete të cilat ishin në kahje të njëjtë të lëvizjes. Si pasojë, lëndime kanë pësuar drejtuesi dhe pasagjeri kosovarë në njërën nga veturat e përfshira”, thuhet në raportin e PK-së. /teve1.info/
