Në një atmosferë plot emocion e respekt, u bë hapja e edicionit të tretë të Turneut Përkujtimor Erion Kajtazi.
Të pranishëm ishin përfaqësues të Federatës së Futbollit të Kosovës, përfaqësues të institucioneve komunale e qeveritare, deputetë dhe përfaqësues partiakë.
Fjalë rasti mbajtën nënkryetari i FFK-së, z. Agim Dibrani, dhe drejtori i gjimnazit, z. Luan Mehmeti, të cilët rikujtuan me respekt figurën dhe trashëgiminë e Erion Kajtazit.
I ndjeri Kajtazi, ishte futbollist i ri dhe shumë premtues nga Trepça ’89, por vdiq tragjikisht në fushën e lojës, tri vjet më parë.
Në fund të ceremonisë, të pranishmit bënë nderime pranë shtatores së Erionit.
