Presidenti rus, Vladimir Putin është deklaruar në lidhje me ndryshimet e propozuara të udhëheqësve evropianë, në planin 28-pikësh të propozuar nga Presidenti amerikan, Donald Trump.
Ai i ka quajtur të papranueshme kërkesat e tyre, dhe ka akuzuar aleatët evropianë të Ukrainës për sabotim të përpjekjeve të udhëhequra nga SHBA-të për t’i dhënë fund luftës, duke pohuar se “ata nuk kanë një axhendë paqeje, ata janë në anën e luftës”.
Udhëheqësi rus akuzoi Evropën për ndryshimin e propozimeve të paqes me “kërkesa që janë absolutisht të papranueshme për Rusinë”, duke “bllokuar kështu të gjithë procesin e paqes”, vetëm për ta fajësuar Rusinë për këtë, citon AP.
Vërejtjet e tij ishin në përputhje me narrativën që Rusia shtyu përpara pasi Trump erdhi në detyrë në fillim të këtij viti dhe nisi bisedimet me Moskën.
