Kosova do të përfaqësohet me katër skuadra në garat evropiane për herët të parë në historinë e futbollit tonë.
Kampioni në fuqi Ballknai do të luajë në Ligën e Kampionëve dhe sot nga ora 12:00 skuadra nga Suhareka do të mësojë kundërshtarin e parë dhe rivalët e mundshëm janë: Malmo (Suedi), Bodo/Glmit (Norvegji), HJK Helsinki (Finlandë), The New Saints (Uells) dhe Zalgiris (Lituani).
Ndërsa, nga ora 13:00, tri skuadrat tjera Drita, Gjilani dhe Llapi do të kuptojnë rivalët e tyre në kuadër të Ligës së Konferencës, përkatësisht rrethit të parë të saj.
Rivalët potencial të Dritës janë: Inter Turku (Finlandë), Panevezys (Lituani), Paide Linaameeskonds (Estoni), Akademija Pandev (Maqedoni) dhe Hamran Spartans (Maltë).
Gjilani potencialisht mund të përballet me skuadrën e Laçit nga Shqipëria por edhe klube si Kups (Finlandë), Mura (Slloveni), Liepaja (Letoni) dhe Zalgiris (Lituani).
Kurse, Llapi si fitues i Kupës së Kosovës mund të ketë për rialë skuadra si Olimpija (Slloveni), Buducnost (Mali i Zi), Torshavn (Ishujt Faroe), Griza United (Maltë) dhe St Joseph (Gjibraltar).
