Dries Mertens praktikisht i thotë lamtumirë Napolit nga grumbullimi me kombëtaren belge. Në një konferencë për shtypin, sulmuesi shpreh keqardhjen për një zgjedhje që ka qenë i detyruar ta bëjë për shkak të qëndrimit të presidentit De Laurentiis dhe drejtorit sportiv Giuntoli.
“E ardhmja ime? Dua të bëj zgjedhjen e duhur. Dua të gjej një klub të mirë. Jam i qetë, por mendoj shumë për zgjedhjen time. Mendova se do të qëndroja te Napoli. E çuditshme që kanë pritur kaq gjatë. Për vazhdimin e kontratës me Napolin nuk kam dëgjuar ende asgjë. Shpresoj që në ditët apo javët në vijim t’ju njoftoj”.
Në Itali, por edhe jashtë saj, ka shumë klube të interesuara për Mertens. Golashënuesi më i mirë në historinë e Napolit ka oferta edhe nga Katari dhe Emiratet e Bashkuara Arabe. Deklaratat e tij të fundit sigurisht që do të jenë një përgjigje nga drejtuesit, pse jo edhe nga vetë presidenti. Dhe të mendosh që në fund të sezonit rinovimi i kontratës së Mertens që skadon për 17 ditë, dukej formale. Dukej se mjaftonte që De Laurentiis të shkonte në shtëpinë e Mertens që ai ta nënshkruante.
