Policia e Kosovës ka nisur një hetim lidhur me vdekjen e një burri, i cili u gjet pa shenja jete të shtunën në banesën e tij në Prizren.
Sipas Policisë, vdekjen e viktimës e kanë konstatuar njësitet policore dhe ekipi mjekësor që kanë dalë menjëherë në vendin e ngjarjes.
Trupi i pajetë i viktimës, me urdhër të prokurorit, është dërguar në Institutin e Mjekësisë Ligjore për obduksion.
Ndërkohë, në vendin e ngjarjes është gjetur dhe konfiskuar një pistoletë.
“Viktima m/k, është gjetur pa shenja jete në banesën e tij. Njësitet policore dhe ekipi mjekësor kanë dalë në vendin e ngjarjes ku edhe është konstatuar vdekja e viktimës. Në vendin e ngjarjes është gjetur e konfiskuar një pistoletë, ndërsa trupi i pajetë i viktimës, me urdhër të prokurorit, është dërguar në IML për obduksion. Rasti duke u hetuar”, bëhet e ditur në raportin e Policisë./teve1.info/
