Autobusë nëpër rrugë, punëtorë duke kërkuar pagat, e ndërprerje të disa shërbimeve, ky është epilogu i krijuar si pasojë e bllokadës institucionale.
Por zvarritja që më shumë se nëntë muaj për tu formuar institucionet pritet të sjellë efektet të shumta negative për ekonominë e vendit.
Miliarda euro kanë mbetur të bllokuar nga mos kalimi i marrëveshjeve ndërkombëtare.
Madje sipas Odës Ekonomike të Kosovës, e gjithë kjo bllokadë ka kthyer Kosovën prapa sa i përket zhvillimit ekonomik.
“Janë mbi 1 miliardë euro marrëveshje që qëndrojnë në Kuvendin e Kosovës, që janë mjete të parapa për investime kapitale që kishin me pas një efekt të menjëhershëm në një ngritje me të qëndrueshme ekonomike, por edhe në përmirësimin e standardit te qytetarëve të Republikës së Kosovës. E dyta mungesa e institucioneve ndikon tek mos bërja e reformave që kish me ndiku në thithjen e investimeve. E treta që është më e rëndësishme është se duke mos i pasur institucionet fuqi plotë ne nuk po kemi mundësi të punojmë që të shtyjmë përpara agjendat tona në diplomacinë ekonomike”, është shprehur Rafuna.
Rafuna ka përmendur një nga marrëveshjet më të rëndësishme ndërkombëtare e cila tash e sa muaj ka mbetur në sirtarët e Kuvendit të Kosovës.
“Ndër to e kisha veçuar marrëveshjen e planit t rritjes që ende nuk kemi arritur të ratifikojmë që ta marrim financimin prej 63 milionëve, aty janë të parpara që rreth 900 milionë të marrim nga planit të rritjes, deri sa shtetet e rajonit e kanë marrë këstin e dytë, këstin e tretë, si Shqipëria dhe Mali i Zi që po avancojnë shumë në integrime, kurse ne ende nuk kemi arritur ta marrim parafinancimin”, ka thënë tutje Rafuna.
Edhe sipas juristi, Anton Nrecaj jo bllokadë do të sjellë pasoja të shumta për vendin.
“Shtetet nuk guxon të vijë në bllokadë financiare, sepse ne pushojmë se funksionuar si shtet, kjo nënkupton që ne vet me vullnetin tonë po e shuajmë shtetin të cilin e kemi shpallur në vitin 2008 dhe kjo do të ishte e papranueshme,.Mesazhi përveç që është ekonomik është edhe mesazhi politik kundrejt partnerë tonë ndërkombetar dhe synimit të Kosovës si vend, pra integerimii në Evropë”, ka theksuar Nrecaj.
Me 19 nëntor, ishte paraparë që në Kuvend të kalohen disa marrëveshje ndërkombëtare, buxheti për vitin 2026, si dhe buxhetet e komunave si Prishtina, Gjilani e Zubin Poutok, por për shkak të mungesës së kuorumit, kjo seancë dështoi.
