Atmosfera e festës së 28 Nëntorit, nuk u ndje në Hagë.
Si ditë krejt e zakonshme, Gjykata Speciale punoi e zhvilloi seancë.
Me mëngjes, u mbajt seanca e radhës përgatitore për gjykim, në rastin kundër administrimit të drejtësisë, ku të akuzuar janë Hashim Thaçi, Bashkim Smakaj, Isni Kilaj, Fadil Fazliu e Hajredin Kuçi.
Për këtë veprim, kritika shtroi Thaçi para trupit gjykues.
Thaçi shfrytëzoi rastin që t’i uronte shqiptarët, duke shpresuar se festat tjera kombëtare do të jetë edhe ai në liri.
Kjo seancë e së premtes, si qëllim kishte përgatitjet e fundit para se të nis gjyqi.
Shqyrtimi gjyqësor në këtë çështje penale, llogaritet të nis në muajin shkurt të vitit të ardhshëm.
E deri atëherë, Prokuroria e Specializuar zotohet se do të përfundojë me hetimet e saj.
“Prokuroria ka paraqitur çështjen e tyre pra, provat kryesore, mendojnë se nuk do të zgjasin më shumë se dy javë për të paraqitur gjithë provat e tyre dhe propozon që të gjithë dëshmitarët të dëgjohen në mënyrë të njëpasnjëshme në fillim të shkurtit. Tash mund të iu informoj se hetimet janë në përfundim e sipër”, tha Joshua Hafetz – prokuror i specializuar.
Mirëpo, kjo nuk e bindi mjaftueshëm gjykatësin e procedurës paraprake, shkaku i vonesave që e kanë përcjellur deri më tani prokurorinë.
“Shqetësimi është se këto hetime nuk janë nën kontrollin e gjykatës dhe nga ana juaj ka pasur vonesa dhe vlerësime jo të drejta për përfundimin e hapave hetimor”, tha Christoph Gosnell – gjykatës i procedurës paraprake.
Rrjedhimisht, si afat të fundit për dorëzimin e provave jogojore nga ana e ZPS-së, Gjykata caktoi 17 dhjetorin.
