Ish-presidenti Hashim Thaçi ka kërkuar fjalën gjatë seancës së sotme në Hagë për të shprehur shqetësimin e tij lidhur me mbajtjen e seancës pikërisht më 28 nëntor. Ai ka theksuar rëndësinë e respektimit të ligjit, por ka konsideruar si të papërshtatshme caktimin e kësaj seance në ditën e festës kombëtare shqiptare.
“E mirëpres mbajtjen e kësaj seance dhe jam sot këtu për respektimin e shtetit ligjor. Por është me interes që në këtë gjykatë të mos ndodhin gjëra që nuk lejohet të ndodhin në shtetet përkatëse. Si çdo popull, edhe ne shqiptarët kemi historinë, vlerat kombëtare dhe shtetërore. Mendoj se caktimi i kësaj seance pikërisht sot, më 28 nëntor, do të duhej evituar. Mbajtja e kësaj seance pikërisht sot për mua dhe çdo shqiptar është befasi jo e mirë”, ka thënë Thaçi.
Ai ka shtuar se 28 nëntori është një festë kombëtare, shtetërore dhe familjare, simbol i dinjitetit dhe krenarisë kombëtare:
“Ka festë kombëtare, shtet dhe familjare, sepse është festa e dinjitetit dhe krenarisë kombëtare. Si çdo popull i lirë në botë, edhe ne shqiptarët kujtojmë dhe festojmë. Nuk më mbetet tjetër veçse t’u uroj shqiptarëve që të festojnë të bashkuar, krenarë dhe me dinjitet. Besoj që 28 nëntorët e tjerë do t’i festojmë bashkërisht”, ka shtuar ai.
Fjala e tij:
E mirëpres mbajtjen e kësaj seance për këtë arsye edhe jam sot në seancë sepse jam për respektimin e shtetit ligjor.
Por, është me interes që në këtë gjykatë që të mos ndodhin gjëra që s’lejohet të ndodhin në shtetet te tuaja përkatëse.
Si çdo popull edhe ne shqiptarët, kemi historinë, vlerat kombëtare dhe shtetërore.
Mendoj se caktimi i kësaj seance pikërisht sot më 28 nëntor do të duhej evituar.
Mbajtja e kësaj seance pikërisht sot për mua dhe çdo shqiptar është befasi jo e mirë.
Ka festë kombëtare, shtet dhe familjare sepse është festa e dinjitetit dhe krenarisë kombëtare si çdo popull i lirë në botë, feston dhe kujton.
Edhe i Kosovës edhe kujton edhe feston. Nuk më mbetet tjetër që t’i uroj shqiptarët që të festojnë të bashkuar, krenarë dhe me dinjitet. Besoj që 28 nëntorët e tjerë do t’i festojmë bashkërisht.
