Artan Behrami deputet i PDK-së nga legjislatura e fundit ka komentuar deklaratën e kryeministrit në detyrë dhe kandidatit edhe për një mandat nga LVV, Albin Kurti, i cili akuzoi ish-paritë opozitare për sinkoronzimin me Listën Serbe në votim.
Ai ka thënë se gjuha e Kurtit është primitive dhe se ka qëllim ndarjen e qytetarëve.
Behrami ka thënë se Kurti gjatë qeverisjes së tij ka pas koordinim me Listën Serbe.
“Kur u bë kryeministër, e bëri ministër Rakiçiqin i cili paradite shkojke e i vendoste barrikadat dhe i urojke serbët për dhunë, pasdite vinte në qeverinë e Albin Kurtit edhe merrke vendime edhe amnistohet prej Albin Kurtit. E keni koordinimin me eklatant të koordinimit të Lëvizjes Vetëvendosje me Listën Serbe, që i përjashton veteranët e UÇK-së nga paga minimale. Kjo tendenca e z.Kurtit me krijuar repriza në histori politike nuk ka. Kjo gjuhë se kush është më serb, është primitive dhe e ka një qëllim me nda qytetarët”, ka thënë Behrami në emisionin “Këndi i Debatit” në Tëvë1.
Kryeministri në detyrë, Albin Kurti, ka akuzuar partitë ish-opozitare për vështirësim dhe pengim të procesit të votimit me postë.
Sipas tij, opozita, në sinkronizim me Listën Serbe, po e pengon të drejtën kushtetuese të mërgatës për të votuar.
Ndërsa, sa i përket mundësisë së bashkëpunimit me partitë tjera pas zgjedhjeve të 28 dhjetorit, anëtari i kryesisë së kësaj partie, Arben Mustafa, tha se ata nuk do të jenë përjashtues dhe se kandidati i tyre për kryeministër, Bedri Hamza nuk do të jetë bllokues në formimin e institucioneve.
“Ne sigurojmë qytetarët e Kosovës se si parti që garon me kandidat për kryeministër Bedri Hamzësn se në asnjë mënyrë nuk do t’i kontribuoj bllokimit të institucioneve për shkak se PDK ka ndjeshmëri me problemet me të cilat po ballafaqohen qytetarët e Kosovës. Ne jemi korrekt në komunikim, nuk jemi përjashtues. Ne jemi për me kthye diskutimin në Kosovë, politikat shtetërore”, tha Mustafa.
