Kryetari i Partisë Demokratike të Kosovës, Bedri Hamza, ka bërë të ditur se partisë së tij i është bashkuar profesori universitar Gëzim Qerimi.
Përmes një njoftimi, Hamza tha se Qerimi sjell me vete mbi 17 vite përvojë në mësimdhënie universitare, si dhe 13 vite angazhim profesional në institucionet e sigurisë dhe mbrojtjes.
“Në ekipin tonë e mirëpritëm Dr. Gëzim Qerimin, profesor i asociuar në Universitetin e Prishtinës. Ai ka mbi 17 vjet përvojë në mësimdhënie universitare dhe 13 vjet angazhim në institucionet e sigurisë dhe mbrojtjes. Përveç përvojës profesionale, profesori Qerimi është autor i shumë punimeve shkencore në revista ndërkombëtare dhe më herët ka qenë edhe lider studentor. Mirë se erdhe, Gëzim!”, ka shkruar Hamza.
