Papa Leo XIV mbërriti të enjten në Turqi për vizitën e tij të parë zyrtare jashtë vendit, me ftesë të presidentit turk, Rexhep Tajip Erdogan.
Ai u prit në aeroport nga Ministri i Kulturës dhe Turizmit Mehmet Nuri Ersoy.
Gjatë vizitës, Papa do të takohet me zyrtarë turq, do të vizitojë qytete kryesore dhe vende fetare.
Delegacioni i tij përfshin Kardinalin Pietro Parolin, Kryepeshkopin Paul Richard Gallagher dhe mbi 70 gazetarë.
Papa do të qëndrojë në Turqi nga 27 deri më 30 nëntor, duke vizituar Ankaranë, Stambollin dhe Iznikun, raporton agjencia e lajmeve Anadolu.
Vizita nis me homazh në Anitkabir dhe më pas një pritje zyrtare në Kompleksin Presidencial, ku ai dhe Presidenti Erdogan do të diskutojnë marrëdhëniet Turqi–Vatikan dhe situatën në Palestinë.
Të dy do të mbajnë edhe një konferencë për shtyp në Sallën Cihannuma në Bibliotekën Kombëtare Presidenciale të Turqisë.
