Dalja e tij në mars të këtij viti la gjurmë.
Para nëntë muajve me mantel të bardhë qëndroi në krahë të ish presidentit Hashim Thaçi kur erdhi për vizitë te babai i tij i sëmurë në Qendrën Klinike Universitare të Prishtinës.
E që nga kjo e mërkurë përveç se mjek i Thaçit, hematologu Adriatik Berisha do të jetë edhe pjesë e partisë që dikur, e drejtonte ish presidenti.
Por për Berishën, nga viti 2000 Partia Demokratike e Kosovës është shtëpia e tij e dytë.
Berisha flet për ditën kur qëndroi me Thaçin mbi tre orë në Qendrën Klinike Universitare të Kosovës.
Sipas tij, vizita u mundësua pas kërkesës nga ai.
Ai thotë se po kandidon për një të ardhme më të mirë për vendin në fushën e shëndetësisë.
Ditë më parë, PDK-së iu bashkua edhe ish deputeti, Shkumbin Demaliaj.
