Izraeli dorëzoi trupat e 15 palestinezëve të mërkurën, një ditë pasi Hamasi ktheu mbetjet mortore të një pengu izraelit. Ky është shkëmbimi i fundit si pjesë e fazës së parë të një armëpushimi të ndërmjetësuar nga SHBA-të të arritur muajin e kaluar.
Komiteti Ndërkombëtar i Kryqit të Kuq tha se ndihmoi në transferimin e trupave në Gaza.
Mbetjet mortore të dy pengjeve, një izraelit dhe një shtetas tajlandez, mbeten në Gaza. Hamasi tha të mërkurën se ishte i vendosur të mbështeste anën e tij të marrëveshjes dhe t’i kthente të dy.
Ndërkohë, ndërmjetësuesit turq, katarianë dhe egjiptianë u takuan në Kajro të martën për të diskutuar fazën e dytë të armëpushimit, të arritur më 10 tetor.
Pyetje të mëdha varen mbi pothuajse çdo pjesë të planit dhe afatin kohor për zbatimin e armëpushimit të brishtë që ka mbetur në fuqi pavarësisht akuzave për shkelje nga të dyja palët.
Ndërkohë, pothuajse të gjithë palestinezët mbeten të zhvendosur dhe të varur nga ndihma humanitare.
