Kryetari i PDK-së, Bedri Hamza në konferencën e sotshme, ku e zyrtarizoi koalicionin me Listën Familja, u pyet edhe për spekulimet në lidhje me Nismën Socialdemokrate.
Në lidhje me këtë, Hamza tha se nuk ka diçka konkrete, transmeton lajmi.net.
“Personalisht ende nuk kam arritur në atë pikë. Jemi shokë dhe miq, kemi edhe miq të përbashkët, por nëse ka diçka konkrete, do të dalim sërish këtu,” u shpreh ai.
Sot pati spekulime se është arritur një marrëveshje mes PDK-së dhe Nismës, por këto, për media, i hodhi poshtë kryetari i Nismës, Fatmir Limaj, i cili tha se nuk kanë pasur takime dhe se është në bisedime me LDK-në.
