Prokuroria Themelore në Prishtinë ka bërë të ditur se është arrestuar K.E., i dyshuar për tentim-vrasjen e bashkëshortes së tij me sëpatë në fshatin Gadime të Lipjanit.
Zëdhënësja e Prokurorisë, Kaltrina Shala, konfirmoi se rasti është cilësuar si “Vrasje e rëndë në tentativë”, sipas nenit 183 të Kodit Penal të Republikës së Kosovës.
“Ju njoftojmë, se po dyshohet se një burrë ka sulmuar bashkëshorten e tij me sëpatë. Ngjarja është duke u cilësuar si “Vrasje e rëndë në tentativë”, sipas nenit 183 të Kodit Penal të Republikës së Kosovës. Pas zhvillimeve hetimore në mënyrë intensive është arrestuar i dyshuari K.E., rreth orës 12:30 për veprën penale “Vrasje e rëndë në tentativë” në bazë të nenit 183 të KPRK-së”, konfirmoi Shala.
Burri e sulmon me sëpatë ish-gruan e tij në Gadime të Lipjanit
