Shirat e rrëmbyeshëm në Vietnamin qendror këtë javë kanë lënë të vdekur 90 persona, ndërsa 12 të tjerë janë të zhdukur, sipas departamentit për menagjimin e fatkeqësive.
Përmbytjet që përfshinë Vietnamin qendror dhe Malësite e Mëdha, kanë shkaktuar dëme të rënda dhe më shumë se 341 milionë dollarë humbje në ekonomi, raportoi VnExpress të dielën.
Provinca e Dak Lak ka regjistruar numrin më të lartë të vdekjeve me gjithsej 63 fatalitete.
Përmbytjet kanë dëmtuar afër 1,154 shtëpi dhe kanë ndërprerë komunikacionin përgjatë territorit, deri sa shumë rrugë kryesore mbeten të pakalueshme për shkak të ujit.
Energjia elektrike është ndërprerë për gati 1,2 milionë shtëpi në mes të fatkeqësisë. Të dielën, 257,000 shtëpi raportohet se janë ende pa energji elektrike, duke dërguar në probleme të tjera.
Qeveria vietnameze ka ndarë ndihmë emergjente me një total prej 26.6 milionë dollarë për të mbështetur përpjekjet e rimëkëmbjes në rajonet e prekura rëndë, shkruan Anadolu.
Autoritetet thanë se personeli ushtarak dhe policor është vendosur për t’iu përgjigjur katastrofës.
Ata thanë se 3.24 milionë bagëti dhe shpendë kanë ngordhur ose janë zhdukur.
