Kryetari i AAK-së, Ramush Haradinaj ka theksuar se vendi ndodhet në një moment vendimtar politik.
Ai deklaroi se koha e fjalëve ka kaluar dhe se tani është momenti për vendime të mëdha dhe të guximshme, të cilat, sipas tij, duhet të vulosen me votë më 28 dhjetor.
Haradinaj theksoi se çdo qytetar ka një detyrë dhe përgjegjësi për ta mbrojtur të ardhmen e vendit, jo me fjalë të thata, por siç tha ai me një qëndrim të palëkundur e me votë të pastër.
Ai u ndal te roli i secilit profesion në shoqëri, duke theksuar se me votën e ushtarit i kthehet nderi shtetit, me votën e policit siguria e familjeve, me votën e bujkut gjallërohet toka, ndërsa me votën e mjekut e profesorit shoqëria shërohet dhe ndërtohet e ardhmja./teve1.info/
