Një punëtor ka mbetur i vdekur dhe një tjetër është lënduar rëndë derisa ishin duke punuar në rrugën “Faruk Rama” në Prishtinë.
Kështu ka bërë të ditur për tëvë1.info zëdhënësi i policisë për rajonin e Prishtinës, Enis Pllana.
Ai ka thënë se vdekja e tij është konstatuar nga ekipi i mjekëve emergjent në vendin e ngjarjes, ndërkohë që personi tjetër i lënduar është dërguar për tretman mjekësor.
“Rreth orës 17:00 kemi pranuar informatën se dy persona janë lënduar derisa ishin duke punuar, në rrugën Faruk Rama në Prishtinë.
Si pasojë e lëndimeve, njëri nga personat ka ndërruar jetë.
Vdekja e tij është konstatuar nga ekipi i mjekëve emergjent në vendin e ngjarjes, ndërkohë që personi tjetër i lënduar është dërguar për tretman mjekësor.
Aktualisht policia në koordinim me inspektorët e punës dhe prokurorinë, kanë nisur hetimin e rrethanave që karakterizojnë rastin”, ka deklaruar Pllana./teve1.info/
