Zyra e Bashkimit Evropian në Kosovë ka thënë se shkarkimi i Besim Kelmendit nga pozita e ushtruesit të detyrës së Kryeprokurorit të Shtetit, pengon reformën e vazhdueshme dhe të nevojshme.
Sipas kësaj zyre ky vendim nga Këshilli Prokurorial i Kosovës cenon progresin e Kosovës drejt BE-së.
“Shkarkimi i sotëm i Ushtruesit të Detyrës së Kryeprokurorit të Shtetit nga Këshilli Prokurorial i Kosovës pengon reformën e vazhdueshme dhe të domosdoshme të KPK-së, si dhe shpërfill parimet e sundimit të ligjit dhe detyrimin ndaj qytetarëve. Ky veprim gjithashtu cenon progresin e Kosovës në rrugën e saj drejt BE-së”, thuhet në reagim.
Kelmendi është shkarkuar të enjten pas intervistimit nga Prokuroria lidhur me masakrën e Reçakut.
Sa i përket këtij rasti a ka mohuar të gjitha akuzat.
Ndërsa, ka paralajmëruar ankesa për shkarkimin e tij.
Kelmendi mohon akuzat: Kurrë në jetën time deri në vitin 2001 nuk kam qenë në Reçak
