Kryetari i PDK-së, Bedri Hamza ka takuar sot ambasadoren e ShBA-së, Anu Prattipat.
Në diskutim me ambasadoren, Hamza ka theksuar se zgjedhjet e reja janë rruga për të dalë nga kriza.
Ai e ka vlerësuar mbështetjen e ShBA-së në proceset që vendi është duke kaluar.
“Sot e nisa angazhimin tim të ri me partnerët strategjikë. SHBA-ja është aleati kryesor i Kosovës dhe takimin e parë e zhvillova me Ambasadoren Anu Prattipati. PDK-ja është konstruktive dhe unë do ta vazhdoj praktikën e dialogut, bashkëpunimit dhe kompromisit politik. Vijat tona të kuqe janë të qarta: Kushtetuta dhe ligjet e vendit. Çdo veprim që i cenon këto është i papranueshëm, prandaj sot nuk morëm pjesë në seancën e parë të Kuvendit. Zgjedhjet e reja janë rruga për të dalë nga kriza dhe e vlerësoj shumë mbështetjen e SHBA-së në proceset që po kalon vendi. Kosovës i duhet stabiliteti, zhvillimi ekonomik dhe partnerët e saj”, ka shkruar Hamza./teve1.info/
