Deputetja e Nismës, Arbëresha Krasniqi ka deklaruar se Nisma nuk do të merr pjesë në seancën e orës 11:00 për miratimin e buxhetit, pasi sipas saj kjo seancë është jashtë rregullave ligjore.
Krasniqi tutje ka bërë të ditur që Nisma s’do të ketë votë as për mandatarin për kryeministër të Kosovës, Glauk Konjufcën.
“Përgjatë këtyre pothuajse 10 muajve, Nisma dhe Limaj kanë qenë jashtëzakonisht konstruktiv për t’i dhënë Kosovës mundësi dhe për të bërë më të mirën për qytetarët e Kosovës, por kjo çështje nuk ka ndodhë, si rezultat i kësaj kohe dhe i pa gatishmërisë së LVV-së dhe Kurtit nuk është arritur një gjë e tillë që tanimë pothuajse si rezultat i kësaj jo serioze nga LVV kemi ardhur në gjendje të tillë. Nisma nuk do të merr pjesë në seancën e sotme në ora 11:00, është seancë e thirrur jashtë rregullave ligjore. Nisma nuk do të ketë votë dhe nuk do të merr pjesë as në seancën e orës 14:00 e as nuk do të ketë votë. Pjesëmarrja edhe jo pjesëmarrja nënkupton qe nuk ka votë për Konjufcën”, ka deklaruar Krasniqi./teve1.info/
