Fillimisht urdhri u dha që udhëtarët të dalin nga autobusi.
Më pas, çdo valixhe kontrollohet në detaje në pikën kufitare në Han të Elezit.
Kështu njësiti anti-kontrabandë i Doganës së Kosovës, filloi aksionin pas një informate që kishte pranuar se në linjën Turqi-Kosovë, ka dyshime se mund të ketë diçka ilegale.
Ora shënon 12:30 pas mesnatës, ky njësit arrin të gjen pakon e parë të mbushur me barna pa banderolë.
E pas kësaj, hetimi zgjerohet duke filluar bastisjen brenda autobusit.
Të tilla gjenden edhe në këtë vend të kamufluar.
Shefi i njësisë antikontrabandë, Bekim Shala thotë për Tëvë1 se informatat u dhanë nga qytetarët.
DEK- Bekim Shala- Shef i Njësisë antikontrabandë në Doganën e Kosovës
“Sipas informatave brenda doganës nga rrugët operative, ka pas informatë se njëri nga autobusët i linjes Stamboll – Prishtinë, dyshohet se mund të ketë mallra të kontrabanduara. Vec jemi duke kryer urdhër-kontrollon në detaje edhe tek udhëtarët që nuk është gjetur parregullsi, ndërkaq në pjesë të ndryshëm të autobusit në dy pjesë kemi gjetur barëra të fshehura barëra pa banderolë të kontrabanduara. Deri tani vlera është 4-5 mijë euro”, ka thënë Shala.
Kontrolli u bë edhe në pjesën tjetër të autobusit.
Edhe një sasi tjetër e barnave pa banderolë e mbështjellë me qesë të zezë u gjet.
Kontrolli vazhdon në detaje deri në orët e mëngjesit.
Pas sekuestrimit të tërësishëm të barnave, vlera e tyre sipas shefit të njësisë antikontrabandë, kalon shifrën e dhjetë mijë eurove.
“Është bërë kontrolli në detaje i autobusit, dhe brenda autobusit në disa hapësira janë gjetur medikamente barëra pa mbulesë të dokumentacionit të fshehura më brendi. Vlera e përafërt e barërave kalon mbi 10 mijë euro”, është shprehur tutje Shala.
Kontrollet u bënë edhe me pajisje të sofistikuara të cilat tashmë i posedon Dogana e Kosovës.
I gjithë aksioni zgjati deri në orët e para të mëngjesit.
