Ish-kryetari i Partisë Demokratike të Kosovës, Memli Krasniqi ka vlerësuar dëshminë e ish-komandantit të NATO-s, Wesley Clark, në Dhomat e Specializuara në Hagë, në procesin gjyqësor ndaj ish-udhëheqësve të Ushtrisë Çlirimtare të Kosovës.
Sipas Krasniqit, Clark po tregon edhe një herë se mbetet i vendosur në anën e drejtë të historisë.
Ai ka theksuar se Clark vazhdon të jetë një mik i Kosovës, që nuk e mban uniformën vetëm në fushën e betejës, por edhe në betejën për të vërtetën.
“Sepse në skenën e madhe të historisë sonë, ai shfaqet gjithmonë i njëjtë: besnik, i vendosur, i drejtë. Një mik që nuk mban uniformë vetëm në fushën e betejës, por edhe në betejën për të vërtetën. Ai nuk ndryshon. Sepse parimet nuk ndryshojnë. Historia e njeh. Ne e nderojmë. Faleminderit, Gjeneral Clark”, ka shkruar Krasniqi në Facebook.
Ndryshe, të hënën në Dhomat e Specializuar të Kosovës (DhSK) në Hagë, ka filluar dëshminë ish-komandanti i NATO-s, Wesley Clark në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.
