Një person ka humbur jetën të dielën në Podujevë, pasi dyshohet se ka humbur kontrollin mbi traktorin me rimorkio që po drejtonte, duke përfunduar jashtë rrugës dhe rrokullisur në një lumë.
Sipas raportit 24-orësh të Policisë së Kosovës, ekipi mjekësor që ka dalë në vendin e ngjarjes ka konstatuar vdekjen e tij, ndërsa me urdhër të prokurorit, trupi i pajetë i viktimës është liruar për familjarët.
“Viktima m/k derisa ka qenë duke drejtuar traktorin me rimorkio të ngarkuar me pleh organik, dyshohet se ka humbur kontrollin dhe ka përfunduar jashtë rruge ( rrokullisur) në një lum. I njëjti duke mos u përballuar lëndimeve ka ndërruar jetë, njësit relevante policore dhe ekipi mjekësor kanë dalur në vendin e ngjarjes ku është konstatuar vdekja e viktimës. Me vendim të prokurorit trupi i pa jetë u është liruar familjarëve”, thuhet në raportin e Policisë./teve1.info/
