Politologu, Albinot Maloku ka thënë se propozimi i Glauk Konjufcës për kryeministër është bërë duke besuar që ai mund të votohet, pasi PDK e votoi kryetarin e Kuvendit e LDK nënkryetarin.
Ai ka thënë se çështja e figurës së kandidatit për kryeministër është imponuar nga LVV, pasi partitë opozitare nuk e kanë imponuar figurën e kryeministrit si problematikë.
Por, sipas tij, opozita nuk ka arrit me sqaruar se problemi për mosbotimin e kandidatit për kryeministër ka qenë mungesa e një koalicioni.
“Figura politike ka qenë problem i imponuar prej LVV-së e partitë tjera e kanë pas një problem që nuk kanë arri me shpjegua, se mosdhënia e votës është veç për një arsye, nuk ka koalicion. Askush prej partive opozitare nuk e kanë imponuar figurën si problematikë. Mandatimi i z. Konjufcës është bë duke i marrë ‘isharetet’ që PDK e votoi kryetarin e Kuvendit, LDK, çështjen e kryetarit e kaloi me votim pavarësisht rrjedhave kushtetuese dhe u krijua një shpresë të largohet figura e Kurtit, cili gjithsesi u largua nga mospasja e votës dhe u provuar që të nxirret Konjufca i cili në opinion është pranua si një lloj autoritetet që e njeh realitetin e kompromisit”, ka thënë Maloku në emisionin “Këndi i Debatit” në Tëvë1.
Ai ka thënë se paritë ish-opozitare nuk është dashur të kenë frikë nga shkuarja në zgjedhje
“Subjektet me renditje 2,3,4, nuk është dashur me u frikësua, shkojmë në zgjedhje, i fiton LVV e merr pushtetin përhajr i koftë”, është shprehur ai.
