Aleanca për Ardhmërinë e Kosovës pritet të mbajë sot mbledhjen e Kryesisë së saj qendrore, ku do të marrin pjesë edhe kryetarët e degëve të partisë.
Sipas burimeve brenda AAK-së, në këtë mbledhje do të diskutohet për zhvillimet e fundit politike në vend, me theks të veçantë përgatitjet për zgjedhjet e mundshme parlamentare, në rast se ato do të shpallen.
Po ashtu, pritet të analizohet edhe rezultati i zgjedhjeve lokale, ku AAK ka arritur ta konfirmojë fuqinë e saj politike në pesë komuna: Gjakovë, Suharekë, Rahovec, Deçan dhe Klinë.
Partia e drejtuar nga Ramush Haradinaj do të ketë gjithashtu pushtet edhe në mbi dhjetë komuna të tjera dhe përfaqësim në Kuvendet Komunale me gjithsej 98 asamblistë.
Takimi i Kryesisë është paraparë të nisë në orën 17:00./teve1.info/
