Prokuroria Themelore në Gjakovë ka ngritur aktakuzë ndaj V.K për tentim vrasje.
Sipas aktakuzës, personi në fjalë, me dashje ka tentuar ta privoj nga jeta R.B me thikë, pas një mosmarrëveshje të çastit mes tyre, në muajin shtator të këtij viti.
“Sipas aktakuzës, ndër të tjera ceket se i pandehuri me inicialet V.K., më datë 14.09.2025 rreth orës 11:00, në rrugën “Ëashington” Gjakovë, tek pjesa e jashtme e kafiterisë “C.P.” me dashje ka tentuar të privoj nga jeta të dëmtuarin R.B., nga Gjakova, në atë mënyrë që gjatë një mosmarrëveshje të çastit në mes tyre, papritmas i pandehuri nxjerr thikën dhe fillimisht e godet në krahun e majtë të dorës, i dëmtuari merr një shpuzore plastike të duhanit dhe e godet në pjesën e majtë të kokës, i pandehuri vazhdon duke e goditur edhe në pjesë tjera të trupit dhe atë në regjionin abdominal poshtë majtas, në vithe majtas dhe në dy krahët e duarve”, thuhet në njoftimin e Prokurorisë Themelorë në Gjakovë./teve1.info/
