Dhomat e Specializuara të Kosovës në Hagë ka njoftuar se javën e ardhshme përfundon dëshmia e dëshmitarëve të mbrojtjes në rastin e ish- krerëve të UÇK-së.
Sipas njoftimit në fundin e kësaj jave pritet të dëshmoj edhe një dëshmitar tjetër, përveç ish-ambasadorit amerikan Christopher Hill.
“Në gjykimin e Hashim Thaçit, Kadri Veselit, Rexhep Selimit dhe Jakup Krasniqit, për këtë javë dhe javën tjetër janë planifikuar seancat gjyqësore ku do të dëshmojnë blloku i fundit i dëshmitarëve të Mbrojtjes në këtë çështje gjyqësore. Ish-ambasadori amerikan Kristofer Hill (Christopher Hill) filloi dëshminë të hënën, më 10 nëntor, kurse nga fundi i javës pritet të dëshmojë edhe një dëshmitar tjetër”, thuhet në njoftim.
Ndërsa, ish-komandanti i NATO-s Uesli Klark (Ëesley Clark) është planifikuar të fillojë dëshminë të martën e javës që vjen, më 18 nëntor. Për dëshminë e tij janë planifikuar seanca edhe më 19 dhe 20 nëntor, ndërsa 21 nëntori është planifikuar si ditë rezervë, në rast nevoje.
Aktakuza fillestare kundër katër të akuzuarve u konfirmua më 26 tetor 2020, dhe u ndryshua më 3 shtator 2021, 29 prill 2022, dhe 30 shtator 2022.
