Një person me inicialet E.R. është ndaluar për 48 orë pasi gjatë kontrollit në shtëpinë e tij janë gjetur dhe sekuestruar një sasi narkotikësh në Gjilan.
Kontrolli është kryer me urdhër nga Prokurori i Shtetit, raporton KosovaPress.
Tek i dyshuari janë gjetur dhe sekuestruar narkotikë me peshë 220.87 gramë, dy drita për kultivim të bimëve narkotike, një bimë kanabis sativa e mbjellë në një gotë plastike, një qese me 190 fara të bimës narkotike kanabis me peshë 3.70 gramë, dy qese me marihuanë me peshë 3.88 gramë dhe një telefon mobil.
I dyshuari akuzohet për kryerjen e veprave penale blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge, si dhe kultivimi i bimës së hashashit, shkurres së kokainës ose bimëve të kanabisit.
Brenda afatit ligjor ndaj të pandehurit do të paraqitet kërkesa për caktimin e paraburgimit.
