Sapo gjethet fillojnë të marrin ngjyrën e artë dhe aroma e zjarreve përhapet në ajër, vjen edhe sezoni më pak i dëshirueshëm i vitit; sezoni i gripit.
Hunda e kuqe, fyti që djeg dhe kërkimi i vazhdueshëm për letra hundësh bëjnë pjesë te rutina e vjeshtës.
Nëse arsenal i juaj për forcimin e imunitetit mbaron te vitaminat C dhe D, mund të jeni duke humbur një sekret të vogël; zinku.
Ky mineral është jetik për shëndetin e përgjithshëm, por ka një rol kyç edhe për sistemin imunitar.
Për shumë njerëz, virozat duken të pashmangshme sidomos për ata që punojnë në ambiente me rrezik të lartë ose kujdesen për fëmijë të vegjël që nuk kanë shumë kujdes për higjienën.
Megjithatë, një mjeke e ndihmës së parë ka treguar se është e mundur të qëndrosh i shëndetshëm edhe në kushte të tilla.
Ella, e cila është aktive në llogarinë e saj në TikTok ka ndarë tre mënyra të cilat i aplikon për t’a mbrojtur veten dhe familjen e saj nga ftohjet gjatë vjeshtës dhe dimrit.
Këshilla e parë: Hapni dritaret çdo ditë për 5 deri në 10 minuta.
Sipas Ella-s, ajrosja e shtëpisë është një hap i thjeshtë, por shumë i rëndësishëm për shëndetin.
“Duhet të ajrosni shtëpinë. Hapni dritaret dhe lini të dalë ajri i ndenjur. Mjaftojnë pak minuta në mëngjes. Viruset e ftohjes dhe gripit qëndrojnë në ajër ndaj lini të dalin jashtë dhe fusni ajër të pastër. Ajri i freskët është i shkëlqyer”, këshillon ekspertja.
Ajo thekson se kujdesi ndaj higjienës personale, sidomos larja e duarve, është mënyra më e lehtë për të shmangur sëmundjet.
“Nuk duhet ta them, por disa nuk i lani duart. Shkoni në tualet, nuk i lani, prekni gjithçka dhe pastaj fusni duart në gojë. Mënyra më e thjeshtë për të mos u sëmurë është të lani duart”, pohon ajo.
Ushqehuni mirë.
Ella nënvizon se ushqimi i shëndetshëm ka ndikim të madh në forcimin e sistemit imunitar.
“Rreth 70% e sistemit imunitar vjen nga zorra. Duhet të ushqeni bakteret e mira, të merrni vitamina dhe minerale që ta forconi imunitetin. Prandaj sistemi im është gjithmonë në formë”, shpjegon ekspertja.
