Skuadra e Pejës ka regjistruar edhe fitoren e pestë rresht në po aq ndeshje të luajtura këtë sezon në Superligën e Kosovës në basketboll.
Të dielën, në kryeqytet, Peja ka fituar derbin ndaj skuadrës së Sigal Prishtinës duke e mposhtur me shifrat 95:90.
Përderisa Peja ka tubuar 10 pikë, Sigal Prishtina regjistroi fitoren e dytë rresht në Superligë pasi xhiron e shkuar pësoi edhe nga Bashkimi dhe ka tetë pikë të mbledhura.
Ndeshja ishte e tensionuar pasi përfundoi pjesa e parë, pati vonesë në madhe në fillimin e pjesës së dytë për shkak të kërcënimit të gjyqtarëve.
Peja njoftoi se ishin gjyqtarët dhe delegati i ndeshjes kishin vendosur mos të dalin në parket për ta filluar ndeshjen derisa të arrijnë forcat e Policisë në palestër për të larguar tifozët.
Ndeshja rifillioi me palestrën e zbrazët dhe Peja arriti ta shtojë epërsinë pasi dy çerekët e parë I mbylli me avantazh prej katër pikëve 48:44.
Cesare Edwards me 21 pikë e 10 kërcime ishte më efikasi te Peja, ekip ku u dalluan edhe Tajh Green me 20 pikë e 8 kërcime, si dhe Jordan Johnson me 15 pikë të realizuara.
Te Sigal Prishtina, u dalluan Lamb Autrey me 16 pikë, 5 kërcime e 7 asistime dhe Deondre Burns me 18 pikë, 2 kërcime e 5 asistime.
Në fund, kjo përballje zgjati hiq më pak se tri orë.
