Tahiri tutje tregoi se tanimë janë themeluar komisione për të hulumtuar lidhur me dëmet që janë shkaktuar në shumë kultura bujqësore.
“Këto dy fatkeqësi shpesh e godasin Kosovën, kanë bërë dëme në disa komuna. Në Komunën e Podujevës, në Mitrovicë dhe Lipjan. Por ka pasur edhe në disa komuna tjera por me më pak dëme. Kemi informata se janë themeluar komisionet për këtë çështje, ato kanë dalë në teren dhe janë duke kryer punën e tyre. Mund të zgjatë kjo lloj kontrolle apo vizite, neve si federatë sindikale presim që zyrtarisht të marrim informacione. Mirëpo sipas aktivistëve e nga tereni kemi të bëjmë sidomos me Komunën e Podujevës me një sipërfaqe të madhe, diku nga pesë apo gjashtë fshatra i ka përfshirë një pjesë dhe në këtë mënyrë ka bërë dëme të jashtëzakonshme në shumë kultura bujqësore”, tha ai në emisionin “Ditari” në Tëvë1
Pas një jave të nxehtë janë rikthyer reshjet e shiut dhe breshëri në Kosovë. Si pasojë e kësaj, një person rreth 30-vjeç ka vdekur pasi u godit nga një lis që u rrëzua nga erërat e fuqishme.
