Kryetari i Lidhjes Demokratike të Kosovës, Lumir Abdixhiku ka akuzuar kryeministrin në detyrë Albin Kurti se po tenton t’i blejë studentët me ndarjen e 100 eurove për raundin e dytë të zgjedhjeve.
Ai në një reagim pas njoftimit të Kurtit se janë proceduar pagat për grupin e parë të studentëve ka thënë se të ardhmen që u vodhi, po tenton t’ua blejë me 100 euro.
“Të ardhmen që ua vodhi, në shtetin më të varfër e më të izoluar në Evropë, me arsimin ndër më të fundit në botë, provon t’ua blejë me 100 euro për votë – tre ditë para balotazhit. Një regjim i frikësuar dhe në rënie të lirë, po trajton studentët e Kosovës si material shitblerje zgjedhor. Studentët drejtojnë kohë, rrëzojnë regjime e përcaktojnë epokë. Prandaj, këta SMS ‘cringe’, para zgjedhjeve nuk blejnë as heshtjen, as shpresën. As votën”, ka shkruar Abdixhiku.
Procesohen pagesat prej 100 euro për studentët – Kurti: Studentët çdoherë do të kenë mbështetje
