Kryeministri në detyrë i Kosovës, Albin Kurti njëherit kryetar i Lëvizjes Vetëvendosje, ka thënë se Mitrovica për Qeverinë është prioritet.
Por, sipas Kurtit qytetit i duhet një qeverisje lokale që dëgjon dhe shërben dhe sipas ajo është Lëvizja Vetëvendosje
“Mitrovica ka mbajtur peshën më të madhe pas luftës. Tash ajo ka nevojë për çerdhe të reja, hapësira të gjelbra, mjedis të pastër, spital të ri, transport publik dhe punësim, veçanërisht për gratë dhe të rinjtë. Mitrovica e ka një qeveri qendrore që sytë i ka kah ajo. I duhet vetëm edhe qeverisja lokale që dëgjon dhe shërben, e ajo është Lëvizja VETËVENDOSJE! dhe Faton Peci, kryetar. Bashkë për Mitrovicë”, ka shkruar Kurti.
Kandidati i LVV-së për kryetar të Mitrovicës së Jugut është në balotazh me Arian Tahirin nga PDK.
Raundi i dytë i zgjedhjeve do të mbahet të hënë më 9 nëntor.
