Kapiteni i Kosovës, Amir Rrahmani, me Napolin kanë barazuar pa gola ndaj Eintracht Frankfurtit në shtëpi.
Ndeshja e zhvilluar të martën mbrëma i takoi javës së katërt të fazës së ligës në “Champions”.
Napoli krijoi 16 raste për gol, por që nuk i konkretizoi. Edhe posedimi i topit ishte në anën e napolitanëve.
Rrahmani e kompletoi ndeshjen dhe ishte prej më të mirëve te skuadra e tij.
Për të dy skuadrat ishte barazimi i parë këtë edicion në “Champions”.
Kanë edhe nga një fitore dhe dy humbje.
Ndërkohë, Arsenali ka triumfuar në udhëtim te Sparta e Pragës me shifrat 3:0.
Bukayo Saka nga penalltia në pjesën e parë, dhe Mikel Merino realizoi dy gola në të dytën për të konfirmuar fitoren e Arsenalit.
