Përzgjedhësi i Sllovenisë në futboll, Matjaž Kek, ka publikuar të martën listën e lojtarëve të ftuar për dy ndeshjet e fundit të Grupit të Kualifikimeve për Botërorin 2026.
Sllovenia do të presë Kosovën më 15 nëntor në Lubjanë, ndërsa tre ditë më vonë, më 18 nëntor, do të luajë ndaj Suedisë në Solna.
Në listën e publikuar spikasin disa emra të njohur. Benjamin Šeško, sulmuesi i talentuar i Manchester United, pritet të jetë lideri i sulmit slloven në përballjen ndaj Kosovës. Një tjetër figurë e njohur është portieri i Atletico Madridit, Jan Oblak, i cili do të mbrojë portën sllovene në këto sfida vendimtare.
Përveç këtyre yjeve, pjesa tjetër e skuadrës përbëhet nga lojtarë që aktivizohen në nivele më të ulëta të futbollit professional.
Në grupin B kualifikues, Zvicra prinë në renditjen tabelare me 10 pikë, ndërsa Kosova renditet e dyta me 7 sosh.
Sllovenia është e treta me tre pike, ndërsa Suedia ndodhet e fundit me vetëm një pike të mbledhur.
