Kanë mbetur edhe dy ditë që presidentja e vendit, Vjosa Osmani të vendos për mandatarin e ri për kryeministër, ose për zgjedhje të parakohshme.
Në takimin e mbajtur të premten e javës së kaluar me liderët e partive politike parlamentare, Osmani theksoi se kryeministri në detyrë, Albin Kurti ka kërkuar edhe një takim ndërkaq partitë e ish-opozitës, zgjedhje të reja.
Tëvë1 gjatë ditës ka kërkuar përgjigje nga partia Lëvizja Vetëvendosje nëse të njëjtit do të dërgojnë emër të ri si mandatar për kryeministër, por nga ana e tyre nuk kanë dhënë detaje.
Sipas hulumtuesit në KDI, Vullnet Bugaqku çështja tani është në duart e presidentes.
“Tani jemi në situatën kur një qeveri e propozuar herën e parë dhe një kandidat për kryeministër nuk ka siguruar votat e mjaftueshme në parlament, rrjedhimisht tani qështja është në duart e Presidentes së Kosovës e cila brenda suazave të aktgjykimeve të gjykatës Kushteuese dhe vet Kushtetutës së Kosovës, unë besoj që ka një afat dhjetë ditor që brenda këtyre dhjetë ditëve të shoh mundësinë që të gjen një kandidat tjetër të mandatohet për formimin e Qeverisë”, ka thënë Bugaqku.
E në aspektin Kushtetues, sipas Bugaqkut, ligjërisht nuk lejohet të bëhet një ri-propozim me emër të njejtë për të parin e Qeverisë së re.
“Kushtetua dhe disa aktgjykime të Gjykatës Kushtetuese unë vlerësoj se nuk i japin mundësi që i njëjti kandidat të ri-propozohet përsëri, mund të vije e drejta përsëri ose ti jepet e drejta subjektit fitues të zgjedhjeve nëse e njëjta para presidentes kërkon mandatarin tjetër dhe e njëjta të ofroi dëshmi të qarta që mund ta formoi një qeveri, qoftë duke i pas numrat qoftë duke ndërtuar një marrëveshje politike”, është shprehur tutje Bugaqku.
Në anën tjetër, zgjidhja e vetme për të dalë nga kjo rrugë po vlerësohen zgjedhjet e parakohshme.
“Unë konsideroj se jemi më pranë zgjedhjeve se sa pranë mundësisë për të pasur qeveri të re të Republikës. Shumë është e rëndësishme se si do t’ mund të përfundoi Kuvendi i Kosovës në kuptimin e përfundimit të këtij legjislacioni, si do të shpërndahet dhe si do të jetë rreshtimi i partive politike”, ka thënë Dorajet Imeri.
Tëvë1 ka dërguar pyetje edhe në zyrën e presidentes Vjosa Osmani për të marrë një qëndrim nëse brenda këtij afati do të ketë edhe një takim me kryeministrin në detyrë, Albin Kurti, po nuk kanë kthyer përgjigje
