Mbrojtësi i krahut, Elseid Hysaj është rikuperuar nga lëndimi që e mbajti për disa javë jashtë fushës dhe është gati për ndeshjen e radhës.
Në fakt, Hysaj është ftuar nga trajneri Maurizio Sarri për ndeshjen që Lazio e luan kundër Cagliarit, sot prej orës 20:45 dhe i takon xhiros së dhjetë të kampionatit italian.
Gjasat janë të mirë që Hysaj të jetë startues në këtë përballje dhe ky është një lajm i mirë për selektorin e Shqipërisë, Sylvinhon që këtë muaj ka ndeshjet me Andorrën dhe Anglinë në kuadër të kualifikimeve për Botërorin 2026.
Hysaj nuk është grumbulluar me Lazion në tri ndeshjet e fundit në Serie A, barazimet me Atalantan e Pisan, si dhe fitoren kundër Juventusit.
Ai deri më tani, ka tri ndeshje të luajtura në elitën e futbollit italian.
