Ka përfunduar pa gola kryendeshja e së shtunës në Superligën e Kosovës në futboll, ndërmjet Prishtinës dhe Gjilanit.
Kjo ndeshje e cila u zhvillua në stadiumin “Fadil Vokrri” në mbrëmje i takoj xhiros së 12-të.
Rastet nuk munguan por rrjetat nuk u tundën në kryeqytet. Gjilani në fund të pjesës së parë qëlloi shtyllën e një minutë më pas edhe Prishtina iu afrua golit, duke qëlluar tërthorësen.
Në pjesën e dytë Gjilani fitoi një penallti por pas rishikimit me VAR, u anulua.
Prishtina me këtë pikë nuk e shfrytëzon gabimin e Ballkanit, për t’u shkëputur në krye të tabelës. Ka 26 pikë, tri më shumë se suharekasit në vendin e dytë.
Gjilani mbetet i rrezikuar në pjesën e poshtme të tabelës.
