Profesori universitar, Dashamir Bërxulli, ka thënë se partitë politike po bëjnë taktika për zgjedhjet e reja.
Ai ka thënë se deklarimet se e kanë shqetësim mos miratimin e buxhetit janë strategji për të komunikuar me votuesit e tyre, por siç ka thënë ai nuk ka të bëjë fare me buxhetin.
Bërxulli në emisionin “Këndi i Debatit” në Tëvë1 ka thënë se edhe deklarimet pas mbledhjes së Kryesisë së Kuvendit ishin politike.
“Strategji që partitë politike kanë filluar t’i përdorin për të komunikuar me votuesit e tyre për zgjedhjet e ardhshme. Nuk ka të bëjë fare për buxhetin, flitet për të, por nuk besoj që këtu meraku i madh është për është buxheti se sa te votat e ardhshme .As për njërën palë as tjetrën nuk ka të bëjë me buxhetin”, ka thënë ai.
Bëxulli ka thënë se nëse partitë politike kanë vullnet për daljen e krizës, të premten në takim mund të arrijnë marrëveshje për formimin e një qeverie dhe miratuar buxhetin.
“Nesër kanë takim me presidentet dhe nëse duan mund të merren vesh dhe ta bëjnë një qeveri, qofte teknike edhe shumë e lehtë miratohet buxheti dhe shkohet në zgjedhje. Gjitha taktikat janë në drejtim të zgjedhjeve”, ka thënë ai.
