FC Thuni po zhvillonte një ndeshje të shkëlqyer kundër FC Winterthur në pjesën e parë, duke udhëhequr 2-0 ndaj skuadrës së fundit në renditje. Por gjithçka ndryshoi në minutën e 39-të, kur Valmir Matoshi u përjashtua nga loja pas një ndërhyrjeje të ashpër ndaj Ledjan Sahitajt.
Mesfushori i Thunit humbi kontrollin e topit, u përpoq ta rikuperonte, por hyri fort në dyluftim me Sahitanj, duke e goditur me taka të hapura, në kyçin e këmbës. Pas rishikimit në VAR, arbitri Luca Piccolo nuk pati dyshime: karton i kuq direkt për Matoshin.
Pas këtij momenti, skuadra e Thunit u detyrua të luajë me një lojtar më pak për më shumë se një pjesë të plotë, ndërsa Sahitaj nuk mundi të vazhdonte ndeshjen. Ai mori ndihmën e stafit mjekësor dhe u zëvendësua nga Nishan Burkart. Ende nuk dihet shkalla e dëmtimit të mbrojtësit të Winterthurit.
Një episod i tensionuar që prishi ritmin e lojës dhe solli shqetësim në të dy kampet – Thun për mungesën e Matoshit në vazhdim të ndeshjes, dhe Winterthur për gjendjen shëndetësore të Sahitajt.
