Mbrojtësi i Kombëtares së Shqipërisë, Elseid Hysaj nuk do të jetë pjesë e Lazios për ndeshjen kampionale kundër Pisas.
Hysaj nuk është përfshirë në listën e futbollistëve të ftuar për këtë duel nga trajneri i Lazios, Maurizio Sarri.
Hysaj nuk është ftuar për shkak të një problemi me gjurin e djathtë dhe kjo është ndeshja e tretë rresht që mbrojtësi i krahut nuk ftohet nga Lazio.
Ai nuk ishte pjesë e ekipit as për ndeshjet kundër Atalantas e Juventusit në kuadër të kampionatit italian.
Ndeshja Pisa – Lazio, luhet të enjten prej orës 20:45 dhe i takon xhiros së dhjetë në Serie A, ku Hysaj këtë sezon i ka vetëm tri paraqitje.
