Anëtari i Nismës Socialdemokrate, Artan Nimani ka folur për takimin që ka zhvilluar kreu i kësaj partie, Fatmir Limaj me atë të LDK-së, Lumir Abdixhiku.
Nimani i pyetur nëse kishte mosbesim të ndërsjellët ndërmjet Kurtit e Limajt, pasi takimi Abdxhiku – Limaj ndodhi vetëm një ditë pas dështimit të Qeverisë Kurti III, ka thënë se ky takim ka qenë i planifikuar më herët.
Ai në emisionin “InfoNata”, ka thënë se Limaj e Abdixhiku ka zhvilluar takime edhe më herë për përgatitjet në zgjedhjet lokale.
“Takimi ka qenë i para planifikuar. Z. Limaj dhe Abdixhiku po janë më atraktiv po i mbajnë takimet më hapur. Mendoj që diskutimi që është bë me Abdixhikun dhe liderët tjerë është përgatitjet për zgjedhjet lokale dhe mundësinë e shkuarjes në zgjedhje të jashtëzakonshme”, ka thënë Nimani.
I pyetur nëse këto dy parti do të bashkëpunojnë edhe në zgjedhjet nacionale, ai ka thënë se nuk ka qëndrim deri tash për një gjë të tillë, por që nuk e i ka përjashtuar diskutimet për këtë.
“S’kemi marrë ende qëndrim. Të shohim si do të jetë rezultati. Ende nuk ka ndonjë zhvillim. LDK-ja ka interes të ketë bashkëpunim me Nismën aktualisht në zgjedhjet lokale”, ka thënë ai.
