Kreu i Nismës Socialdemokrate, Fatmir Limaj, deklaroi se propozimi i mandatarit Albin Kurti nuk mori mbështetjen e tre deputetëve të partisë së tij për shkak të Dimal Bashës.
Ai shtoi se deputetët e Nismës kanë abstenuar gjatë votimit, duke theksuar se do të jenë konsistent në qëndrimin e tyre.
“Ky është një hap i mirë, por jo i mjaftueshëm. Dimal Basha nuk duhet të mbajë asnjë post publik dhe duhet të japë dorëheqje, pasi po i shkakton dëm të madh Kosovës,” deklaroi Limaj pas seancës.
Basha, i cili aktualisht mban postin e kryetarit të Kuvendit të Kosovës, është propozuar për postin e ministrit të Infrastrukturës dhe Transportit, duke lënë të hapur kështu vendin e kryetarit të Kuvendit, një post që fillimisht synohej nga Limaj.
