Sipas tij, ardhja e Scholz në Kosovë do të jetë në interes të qytetarëve të Kosovës për liberalizimin e vizave.
“Nisur nga përvoja me Gjermaninë, dua të shpresoj që do të jetë në frymën e interesave të Kosovës. Ardhja e tij është pritje e Kosovës që të jetë në interes të tentimit tonë për liberalizim vizash e që është shumë e rëndësishme për qytetarët e këtij vendi. Dua të besoj që pala nikoqire të koncentrohet te çështja e liberalizimit të vizave. Pavarësisht Franca vazhdon të ketë rol jo fort stabil në raport me nevojat për qytetarët e Republikës së Kosovës për liberalizim të vizave”, tha Maloku në emisionin “Infonata”.
Maloku tutje tha se në qoftë se për çështjen e vizave duhet të pritet edhe për 2 vite tjera, i bie që qytetarët e Kosovës do mbesin si “peshku në Ballkanin e mbyllur”.
“Ambasadori gjerman në Kosovë para disa dite tha që unë do të jem ambasadori i fundit që do të bisedohet për çështjen e vizave. Unë e pash që mandatin e kishte deri në vitin 2024, pra edhe 2 vite. Kjo nuk ishte shumë e kënaqshme, sepse kjo i bie që edhe dy 2 vite tjera të pritet për çështjen e vizave. Sepse nga kjo, qytetarët e Kosovës po mbesin tamam “peshku në Ballkanin e mbyllur”, tha ai.
Kancelari i Gjarmanisë, Olaf Scholz, bëhet gati që të premten të zbresë në Ballkanin perëndimor. Vizitën e tij dyditëshe në pesë vende të rajonit, ai do ta nisë me Kosovën.
