Lëvizja Vetëvendosje është duke punuar që të arrijë marrëveshje politike me subjektet tjera për raundin e dytë të zgjedhjeve lokale, në komunat ku ka fituar.
Por, nga kjo parti kanë thënë se çështjen e bashkëpunimit janë duke e ndarë komunë pas komune.
Zëdhënësi i kësaj partie, Arlind Manxhuka ka thënë ka thënë se në komunat ku nuk janë në balotazh do të përkrahnin ndryshimin.
“Lëvizja Vetëvendosje çështjen e koalicioneve zgjedhore në fazën e dytë, të balotazhit, po e trajton të ndarë komunë pas komune, gjithnjë duke pasur parasysh specifikat e këtyre komunave dhe rezultatin tonë zgjedhor në ato vende. Aty ku LV është në rrugë të mirë për qeverisje tashmë kemi nisur diskutimet me partnerët e mundshëm, ndërkaq në vendet ku nuk jemi në balotazh i kemi dhënë një përparësi ndryshimit, por sërish duke i trajtuar veç e veç elementet konkrete dhe subjektet në fjalë në këto komuna”, ka thënë Manxhuka për Tëvë1.
LVV për raundit e dytë të 9 nëntorit ka zyrtarizuar dy koalicione deri më tash. Në Vushtrri me LDK-në dhe në Fushë – Kosovë me AAK-në.
