Dy persona janë gjetur të vdekur të hënën, njëri në Prishtinë dhe tjetri në Zveçan.
Për këto dy raste Policia e Kosovës ka njoftuar se ka nisur hetimet.
Në Prishtinë në rrugën “Harun Aliu” është gjetur pa shenja jete viktima mashkull kosovar.
Me vendim të prokurorit trupi i pa jetë i viktimës është dërguar në IML për obduksion.
Kurse, në Zveçan trupi i pajetë është gjetur në shtëpinë e viktimës.
“Viktima mashkull kosovar, është gjetur pa shenja jete në shtëpinë e tij. Njësitet policore dhe ekipi mjekësor kanë dalë në vendin e ngjarjes ku edhe është konstatuar vdekja e viktimës. Me vendim të prokurorit, trupi i pajetë i viktimës është dërguar në IML për obduksion. Rasti duke u hetuar”, thuhet në raportin 24-orësh.
