Në Maqedoninë e Veriut këtë të diel (19 tetor) janë duke u mbajtur zgjedhjet e teta lokale që nga pavarësia.
Në shkollën “Liria” në Komunën e Çairit, përfaqësuesi i Komisionit Shtetëror Zgjedhor, Erdoan Jashari, ka njoftuar se fluksi i votuesve është rritur pas orës 11:00.
Sipas Jasharit, deri në atë orë ka pasur një interesim të ulët dhe dalje të pakët nga votuesit.
Megjithatë, situata ka ndryshuar dhe numri i votuesve ka qenë më i lartë pas mesditës.
Në këtë shkollë janë të vendosura tre vendvotime, dhe gjithçka ka nisur sipas orarit, me hapjen e kutive të votimit që ka filluar në orën 7 të mëngjesit.
