32 sportistë të 10 sporteve të ndryshme kanë nënshkruar sot kontratat për bursat olimpike Los Anxhelos 2028.
Kontratat u nënshkruan nga sportistët, presidenti i KOK-ut, Ismet Krasniqi dhe përfaqësuesit e federatave.
Presidenti Krasniqi duke i uruar sportistët për bursat, theksoi se mbështetja e KOK-ut ndaj sportistëve po rritet çdo, duke thënë se këtë herë kanë thyer rekordin e mbështetjes së bursistëve olimpikë sa i përket numrit dhe shumës financiare.
Mbështetja është 9 mijë dollarë në muaj, të cilat sigurohen falë të hyrave nga Solidariteti Olimpik i IOC-ut dhe 7 mijë euro të tjera nga të ardhurat e KOK-ut. Në total, mbështetja është rreth 15 mijë euro në muaj.
Bazuar në rezultatet e deritashme dhe potencialin e tyre, sportistët janë ndarë në tri grupe. Përzgjedhja dhe ndarja në grupe janë bërë nga komisioni i sportit, ndërsa vendimi është marrë nga Bordi Ekzekutiv i KOK-ut.
Listës i prinë medalistjae dyfishtë olimpike, Distria Krasniqi, që do të mbështetet me 1350 dollarë në muaj, e ndjekur nga medalistja e bronztë, Laura Fazliu me 1250, Akil Gjakova 1100 dhe Donjeta Sadiku 1000. Të gjithë këta ndodhen në grupin e parë.
Gjashtë sportistë tjerë i takojnë grupit të dytë me mbështetje prej 650 dollarë në muaj, ndërsa 22 sportistë tjerë ndodhen në grupin e tretë me mbështetje prej 350 euro.
Krahas mbështetjes me bursa, sportistët mbështeten edhe me heqjen e shpenzimeve të përgatitjeve jashtë vendit.
